Wayahapa Banjarmasin nih Ampih Macet?

Pusing melihat Banjarmasin nih, hari ke hari tahun ke tahun kadada nang barubahnya yang iyanya macet makin menggila, apa lagi dimuka Masjid Noor tuh waduh ampun tu pang. balum lagi di pal 1 pas di Jambatan Dewi liwar maulah stres macetnya. apa yu nang di gawi bubuhan nang berkepentingan maatur jalan tuh? ada saran pang nah (tahu am bagus kadanya), sebaiknya di jalan A.Yani Kilometer 1 pas Jambatan Dewi tuh diulah satu arah haja, soal mana kamana tambusnya tu urusan Lantas wan Dishub yang penting jadi satu arah haja jadi kada bakalan macet pang. bisa jua ulah Jambatan Dewi tuh jadi batingkat II bagus lagi,hihihi..

Ulun kada sambarang bapandir pang nih dasar kanyataannya macet tuh maulah stres, balum lagi bini ulun bamamai talambat kakantor, ulun aja apel kada sawat tarus (beh katauan am). Bapak Walikota tulung banar lah... supaya kodok kada mati ular kada kalaparan (suruh ularnya makan tikus).